State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek zat chu nimin tlai dar 5:00 thleng khan mi 153 a ni a. An zinga mi 114 chu facility quarantine niin, mi 39 chu home quarantine an ni.
Nimin khan state pawn atangin mi 8 lo thlen belhin, Tourist Lodge-ah 4 leh PWD Inspection Bungalow-ah 4 dah an ni a. Nimina District Hospital Lawngtlai TrueNAT Laboratory-a COVID-19 positive case hmuh chhuah belh mi 1 chu Medical Quarters atangin Lawngtlai Covid Care Centre (CCC)-ah sawn a ni bawk.
Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng chu 1335 niin, Lawngtlaiah TrueNAT hmangin sample 344 leh Rapid Antigen Test hmangin sample 130 endik a ni ve tawh bawk a. Tun dinhmunah positive case 81 hmuh chhuah tawh niin, dama chhuak 41 an awm tawh a. Enkawl lai mi 40 (mipa 39 leh hmeichhia 1) chu Lawngtlai Covid Care Centre-ah dah niin, ngaihtuahawm an awm lo.