Khawpui changkang leh changkanglo tehfung tha deuh chu Traffic system hi ni a, Traffic mumallohna khawpui chu khawpui nuam leh changkang a ni tak tak thei thinlo.
Lawngtlai Traffic hi a Control tu Traffic Police lam ten indaihlo tak chungin hahtakin an vil reng a, tundinhmun ah chuan an vil hneh lo tih a chiang a, lirthei khalhtuten hawihhawmna nen an khalh loh vanga harsatna thleng hi hmuhtur a awm chho deuh reng a, hengte hi sutkian harsa lutuk niin a hriat loh.
Midang tan a hnawksaka kawngsir a lirthei dah mai hrehlo te, rem leh remloh ngaihven miahlova midang tlanpelh hram tum tlat te, Signal pe manglo leh dik manglova signal pe ta mai mai te, mahni duhna zawn a ding tawp mai te, sawitur a tam ang, hetiang lam hawi, Traffic flow tibuai thin te hi.
Hengte hi lirthei khalhtuten kan tihloh chuan Lawngtlai Traffic hi hmuhtheihin a thang anga, a nuam titur chu a chhunga cheng, lirthei khalhtute bawk hi kan ni ang. Midang mitmei veng chunga lirthei khalh thin te hi an zahawm a, hawihhawmna tel lova lirthei khalh thin te hian, eng anga Car changkang pawh khalh mahse, an hnunglam atanga nuih an hlawh mai thin.
Hawh u, Traffic Police te hauh leh man emaw kher i nghak lovang u, Driving License nei chin chuan Driving Manner a hre tur a ni a, keimahni a lirthei khalhtuten an tihtur kan hriatsa hi i zawm teh ang u.