Lai Autonomous District Council Session nihnih awh chu nimin khan LADC Session Hall ah tan a ni a, Session tanni hian Bill panga putluh a ni.
LADC Session hi Deputy Chairman Pu LR Dingliana Chinzah kaihhruaina in neih a ni a, hun hmasa lam chu zawhna leh chhanna hun ah human niin, MNF member Pu Manghmunga Chinzah zawhna chhangin, Executive Member, LAD changtu Pu Chhunawma chuan Village Council Suspend 14 an awm thu House chu hrilhin, High Court ah engemawzat an zualko a, High Court thutlukna chu Sorkar in a la dawnloh vangin hmalak zui ngaihna a la awmlo tih a sawi.
Tuntum Session ah hian Official Bill panga nimin khan putluh niin, bill pathum chu sawiho a nih hnu ah pawm a ni a, vawiin hian Bill dang pahnih chu sawiho a pawm tum a ni.
Tuntum Session a Sorkar Bill putluhte chu, The LADC (Salaries and allowances of CEM,EM,Chairmam and Dy.chairman) (Second amendment) Bill 2020 , The LADC (Salaries and allowances and pension of member) (third amendment) Bill 2020. The LADC Education & human Resources Dept. (Group B&D) recruitment Bill 2020. The LADC Education & Human Resources Dept. (Transfer & posting of elementary School teachers) Bill 2020 te a ni.