Lai Autonomous District Council a Chairman, Pu V.Zirsanga chuan nimin khan Chairman atanga banna a thehlut.
Pu V.Zirsanga hian chawhma dar 10 khan Chairman atanga a banna chu Deputy Chairman Pu LR Dingliana Chinzah kaltlangin, Governor hnen ah a thehlut a, banna a thehluh pah hian Pu Zira chuan, Deputy Chairman chu duhsakna hlanin, a lo tawiawm tawhna zawng zawng ah lawmthu a hrilh.
Hemi hnu hian Session neih zui niin, Deputy Chairman chuan Chairman in banna a thehluh thu House ah sawiin, Sorkar Term dinglai chu a hova hmantluan a duh viau laiin, Chairman in banna a thehlut chu pawi a tih thu a sawi.
Nikum lam khan Pu V.Zirsanga leh Congress MDC dang pathumte chuan Congress Legislature Party an thlawpna hnukdawkin, MNF Member te nen United Legislature Party dinin an thawkho a, hemi hnu hian, tunhnai lawk khan Pu V.Zirsanga leh heng Congress MDC pathum, CLP chhuahsantute hian Congress Party an bansan zui a, nimin khan Chairman hian Chairman a nihna atanga banna a thehlut zui ta a ni.