Lawngtlai District mi leh sa state pawn atanga lo haw leh positive close contact, government quarantine facility leh home quarantine-a khung hran mek zat chu nimin tlai dar 5:00 thleng khan mi 125 a ni a. An zinga mi 60 chu facility quarantine niin, mi 65 chu home quarantine an ni.
Nimin khan state pawn atanga lo lut mi 4 lo thlen belhin, PWD Inspection Bungalow-ah 2 leh 71 RCC Camp-ah home quarantine-in 2 dah an ni a. Khung hran hun bi hmang zo mi 4 chu 71 RCC home quarantine atanga chhuahtir an ni a. Nimina District Hospital Lawngtlai TrueNAT Laboratory-a COVID-19 positive case hmuh chhuah belh 4 chu quarantine centre atangin Covid Care Centre-ah sawn an ni bawk.
Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 93 leh Rapid Antigen Test hmangin sample 57 endik a ni ve tawh bawk a. Tun dinhmunah positive case 38 hmuh chhuah tawh niin, dama chhuak 29 an awm tawh a. Enkawl lai 9 zinga 1 chu ZMC-ah enkawl niin, a bak mi 8 chu Lawngtlai Covid Care Centre (CCC)-ah dah an ni thung.