Lawngtlai District Hospital a TrueNAT Laboratory ah hrikai mi pali hmuhchhuah thar an nih vangin, mipuite chiai lo turin Lawngtlai DC Dr.Andrew H,Vanlaldika chuan a chah.
Nizan hmasa khan BRTF mi, 71 RCC Camp a khunghranlai mi pali te chuan hri an kai tih finfiah a ni a, hei hian Lawngtlai khawpui bak ah District mipui a ti chiai viau a, hemi chungchang hi Lawngtlai DC chuan , tuna hrikai hmuhchhuah te hi Medical Team leh District Administration lam ten an inkhunmghranna tur ngun taka an enfiah hnu ah, inkhunghranna hmun atan him tawk a an ngaih a nih thu a sawi a, mipui tan chiaina tur a awm lova, hetihrual hian hri hi englaipawh a darh thei reng a nih vangin fimkhur erawh a tul hle a ni a ti.
Lawngtlai DC chuan 71RCC, O/C biain, an camp a midang, khunghranlai nilo pawh lohtheihloh, pawimawh bik tak te a nih loh chuan mipui hnaih a awmlo turin a hrilh.
71 RCC Camp a khunghranlai atanga hrikai hmuhchhuah a nih vang hian fimkhur thil ah Central YLA leh Camp dep a awm VLTF te chuan tualchhungmite tan 71 RCC Camp chu tlawhpawh an remti lova, ngawrh takin an duty nghal.