Lawngtlai District chhunga Tlawmngai Pawl lianber Young Lai Association din champha vawi 46 na chu nimin khan hrileng kar ah midang tana thiltha tih nan hman a ni.
Central YLA chuan YLA Day hi a hranpa in hmandan tur an Branch te tan a ruahman lova, Branch hrang hrang ten tul leh tha an tih ang leh an huamchhung a hrileng kaihhnawih a invenna kalpui pah a midang tana thiltha tihtheih ang ang te tiin, Branch hrang hrang ten hlawk takin an hmang
Central YLA President Pu HC Vanlalruatpuia chuan YLA Member te Day chibai bukin, hrileng vangin kumdang angin ropui takin YLA Day lawm theih nilo mahse, ram leh hnam tana a YLA te inpekna leh an thawhmek te chu uar zawka chhunzawm turin Member te a chah a, hrileng laka District, khua leh veng a himtheih nan YLA hmalakna chu a hluin, theihtawp chhuahzui zel a tul a ni a ti.
YLA Day denchhen hian Central YLA hruaitute chuan an lo tih thin angin Lawngtlai a Damdawiin pathum bak ah Lairam Motherless Home ah tanpuina an hlan.
Tun dinhmun ah YLA hian Sub Hqrs leh Group pariat ve ve, Joint YLA pahnih awmin Branch 109 an awm mek a, inchhiarna hnuhnungber a a landanin YLA Member hi mi 45000 vel an awm mek.