MNF District Hqrs hruaitute chuan, MNF, VC te chu chhuanlam fahrah te te vang a Suspend an nih thu sawiin, an Suspend chhan zing ah 15th Finance Commission sum VC kut a luhtir, Congress Sorkar in an duhloh vang ni a an hriat thu, Chanchinbumite an kawmna ah an sawilang a.
VC te hi Democracy bulthut, mipui nen a inngheng reng an nih vangin, rorelna inchherchhuan a, a bulthut an niin an pawimawh khawp mai. Hetiang hi an nih laia VC engemawzat Suspend an ngai hi a lungchhiatthlak a, Political Party pakhatin Suspend an nihna chhan an sawifiahna chu mipui lamin an hriat an ni mai a, tuna Suspend loh VC te hi MNF an ni emaw Congress an ni emaw lam nilovin, fak an phu viau a a ngaihtheih laiin, tuna Susupend takte hi an tisual nasa viau bik a ngaih ngawt pawh a fuhbiklo maithei a, VC te inchhunkhawmna ber Lawngtlai District VC Association lam in ngawih anla chuh rih ni a lang hian mipui tan ngaihdan siam a tihar deuh chuan a hriat ani.
VC hna hi tlawmngai a thawh chi a ni a, hunpuma khawtlang tana mininpe te tanlo chuan nih ngawt chi pawh a ni kher lovang, VC te pawimawhna hi a lian tual tual a, Sorkar pawh a thikthu a chhe ve hret hret lo theilo a, hmasawnna khairual a awmtheih nan VC Suspend hi hman a nih beisei ila, hetiang vanga hmalak a nih chuan ram mipuite hian tumah demtur an zawn a rinawmloh.