Nimin chawhnu khan Lawngtlai DC, Dr.Andrew H.Vanlaldika chuan Lawngtlai a thuthar lakhawmtute kawmin, District mipuite chu hrilaka an him theih nan Sorkar in tihtur a tihte thataka zawm tur a aduh thu a sawinawn.
Dr.Andrew H.Vanlaldika chuan niminpiah leh nizan ah Lawngtlai bul BRTF ho awmna 71 RCC Camp a khunghranlai atangin Covid 19 Positive 6 hmuhchhuah an nih thu sawiin, hengmite hi hri lanchhuahna an mahni ah a awmloh thu leh Covid Care Centre ah dahluh nghal vek an nih thu a sawi a, mipui lam tan chiainatur awmlo mahse, hri hi khawi atanga darh tur nge tih hriat a nih loh vangin, englaipawhin hrilaka himna tur a kaihhruaina te thataka zawm hi himna atan a mipui ten an tihtur pawimawh ber a ni a ti.
Lawngtlai District Magistrate hian nimin vek khan thupek chhuahin, 71RCC Camp ah phalna neilo chu tumah luh leh chhuah a khap a, Camp chhung a miten mamawh an neihte pawh mumal takin a lakkhawmtutur siam a lakhawm thin tur a tih an nih thu thuchhuah ah hian tarlan a ni bawk.
Lawngtlai a thuthar thehdarhtute chuan hri laka invenna chu mipui lamin an zawmtha tawklova an hriat thu leh khauh zawka thupek awm sa te bawhzui ngai a an hriatthute, mipui ah zirtirna pawh uar thar leh tul an tih thu an sawi chu DC chuan lo enzui a tum thu a sawi.