NGO han tihngawt hian, Tlawmngai Pawl ti a kan sawi hi a hrilhfiah zo meuh lo maithei, YLA hi NGO pakhat a ni mai lova, Tlawmngai Pawl dik tak a ni tih hi sawinawn ngailo ni mahse, he a dinhmun hi a luah zel vang hian sawi nawn a ni fo ang.
Hripui leng kar ah YLA Day chu engtintak YLA ten hmang ang maw, tiin ngaihtuahna mitamtakin an sen lailaiin, nimin lam ah Branch hrang hrang leh Central YLA lam ten Day an hmanna chu, midang tana thiltha tih nan a ni leh ta khan, mi tamtak a barakhaih hial in a rinawm.
Hripui leng kar ah kumin YLA Day chu a hmanhleihtheihloh a ni e, tiin hruaitu lam ten thutlukna siam ta pawhnise, tute mah hian an dem a rinawm loh. Mahse, YLA Day a ni a, YLA chuan a tihtur diktak chu a ti mai, vawi sawmli chuang YLA Day hmanliam a ni tawh, mumaltaka hman a harsat kum a YLA Day hmanliam tak kha, miten an hriatrei zing ah a langphain a rinawm.
Pawl a ni a khawilai ah emaw YLA in a tihngeitur a ngaih han kalkan zeuh emaw, han hrut nat lemloh pawh a nei maithei e, tihtur atan a tha lo ngaihtuahtute ngaihdan a zirin demna tur zawng tlat duh tan chuan, tute pawh hian kildum lai chu an nei vek, YLA hian a tihtur a thulh ngailova, engmahin a dang theilova, a tihtur a hai ngailo.