Editorial | HRI VANG HIAN CHIAI DEUH HI A FUH ZAWK ANGEM ?

    Lawngtlai DC chuan, nimin a Chanchinbumite nen an inkawmna ah, mipuiten hri darh tur ven kawng ah tihtur an neih, an hlenchhuah a pawimawhzia sawiin, Sorkar chuan kaihhruaina a siam a, mipuiin an zawm siloh chuan awmzia a nei thei tak taklo a ni, a ti a, ngaihtuahna a tihtui duh viau mai.
        Hri vanga chiai hi a thatloh thu nasa takin puanzar a ni thin a, tullova chiai hian awmzia a nei lova, hetihrual hian, Lawngtlai bik ah pawh, 71RCC Camp a khunghranlai zingah Positive hmuh a nih vangin, mipui an ralkhel viau a, kha khan mipui ah fimkhurna a thlen a, hri laka invenna pawh nidang aiin, nimin lam ah chuan zawm pawh a hlawh tha deuhvin a hriat a ni.
        Hrikai thar kan chhehvel a an awm tih kan hriatin kan hlauthar a, thawm a reh deuh rualin hmaituamna chu khabe ah kan kuaithla a, thupek lekkawhtute man dal atan duhdah takin hri laka invenna chu kan hmang a, midang hlat a awm tur a tihna phei chu tutemah hian kan zawm theilo a ni ber mai.
        Hri hi adarh a hlauhawm si a, mipui lam lahin hridarhtur venna kan zawm tha lawi silo, kan chiai deuh lai chauh a hmaituam leh midang hlata awm leh insilfaite kan ngaipawimawh a nih chuan, mipui lam hi chiai deuh reng i la a fuh phian zawk in a rinawm thei awm e.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post