Kan thudawnna in a tarlan danin, YLA South Lungpher Branch chuan tunthla Ni 18 atang khan infiamna chi hrang hrang hmangin YLA Day hi an lo hmang tan tawh a, nimin YLA Day ah, Pu C. Lalhnuna bialtu (MDC) LADC chu khualliana hmangin khawtlang huapin hlim takin YLA Day hi an hmang.
Khuallian Pu C. Lalhnuna chuan, YLA Members-te chu khawtlang kut leh ke an nih angin ruihhlo leh sualna kawng hrang hrang te do a, chung ruihhlo lakah te chuan fihlim tum tlat tur te, tanpui ngaite tanpuitu pawl an nih anga an nihna chu chanhai, aachhia leh tanpui ngaite tana chhawm nung zel tur te, Ramsa, sava leh thing leh maute humhalh a, nungchate tana chenna nuam leh him buatsaih tkawng a tan la deuh deuh turin a chah a; chumai bakah faina leh thianghlimna te, zirna leh aia upa zahna kawngah te tun aia hmasawn tum deuh deuh tur te, Khawtlang NGO hrang hrang te leh VC te chu khawtlang hmasawnna tura ke pen ho zel tur te in a chah bawk a ni.
Zaithiam hrang hrang ten zaiin mipui kalkhawmte awi in, Zirlai tithate chawimawina leh an khaw Lal la dam , Pu C. Dokulha tupa Pu C. Hmungduna te nupa chawimawina neih a ni bawk a, tlailamah infiamna hrang hrang neih chhunzawm in khamlo takin YLA day hi an hmang a ni.