Hrilak a mipuite an himtheih nan Lawngtlai Police te chuan chhunzan zawmin Sorkarininkhuahkhirh
na dan a siam te kengkawhin khawpui chhung ah an duty thin.
Chhunlam ah hmaituamlova khawpui lunlai a chhuakte chu, hmaituam tur a an hrilh thin bak ah, dan pawisalo te chu pawisa an chawitir thin.
May thla chhung khan hri vanga inkhuahkhirhna dan bawhchhia, Lawngtlai Police ten pawisa an chawitir zat chu Rs. 48,100/- a ni a,June ah - Rs. 59,900/-July ah Rs. 1,17,400/- niin August thla hian Ni 24 thleng a pawisa an chawitir chu Rs. 1,64,600/- a tling chho tawhin, kumin May thla atanga niminpiah thleng a Lawngtlai Police ten pawisa an chawitir tlingkhawm hi Rs. 3,90,000/- a tling tawh a ni.
SDPO, Pu Beimosia Lapi chuan, an pawisa chawitir te chu, State Sorkar sumbawm a lutturin thlatawp ah Deputy Commissioner hnen ah an thehluh thin thu The Lawngtlai Post a hrilh.