District Magistrate chuan ran khuahkhirh a nih theih nan thupek a chhuah a, thupek chu engtianga bawhzui tur nge tha ang tih nimin lam ah ngaihtuah a ni a, ruahmanna pawh duan niin, a taka hmalakna pawh kan hmuthuai tur ah ngaih a ni.
A bikin khawpui chhung ah chuan Ui hi harsatna siamtuber niin a lang a, Ui khuahkhirhloh, khawlai a tla mai mai hian khawpui a tihmawiloh piah lam ah, a hlauhawmna hian khuahkhirhna dan hi chhuah ngei ngei a tul a, he ran khuahkhirhna dan hi zawm harsa em em niin a langlovin a hriat a ni.
Thupek chhuah ah hian Ui enkawldan tur pawh ziahlan niin, hetiang hian Ui vulhtuten ti maise, thupek chuan zawm a hlawh tihna a ni mai dawn a, kan timailo lai tak hi a veiawm lai niin a hriat a ni.
Ran chu thunun vek theihloh leh tihpalh thil a pawi lo khawih pawh an awmchang a awm ang, mihring zawk pawn midang pawi kan khawihfova, hetiang hun ah hian, khuahkhirhna hnuaia enkawl na na na chuan, pawi lo khawihpalh pawhnise, a tuartu tan pawh hriatthiamna sangtak a neihtheihin a rinawm a ni.
Thupek a awma, tuten emaw an man hun kher emaw, vaukhanna an pek hun kher emaw nghak lovin, ran neituten kan tihtur tihve mai ila, hei aia thupek tihhlawhtlin awlsam dan hi a awmlova, thupek khauh pui pui aiin, nunphung pangngai zawh hian khawtlangnun pawh a siamtha awlsam daih zawkin a hriat a ni.
Tags
Editorial