YLA Sub-Hqrs Chawngte hruaituten DC an hmu

  YLA Sub- Hqrs Chawngte 'P' hruaitute chuan nimin Lawngtlai DC, Dr. Andrew H.Vanlaldika hmuin, Chawngte leh Diltlang inkar kawng siamthat a nihtheih nan a hmalaksak turin an ngen

YLA hruaitute chuan tundinhmun ah  PMGSY hmanga siam Diltlang to Chawngte 'P' kawng chu lirthei kaltlang thei lova awm mai thei dinhmunah a awm mek thu DC hi an hrilh a,  helai  kawng hi Chawngte leh a chhehvel khaw tam tak ten ei leh bar châk lâkna ber leh kawng awmchhun a ni a, heivang hian Chawngte leh a chhehvel mipui te an mangang hle tawh a ni an ti.

YLA Sub Hqrs hruaitute hian DC chu,  Contractor ten an hna te chak zawk a an vil theihna turin hma lakpui turin an ngen a . He kawng chungchang hi vawi  engemawzat , Executive Engineer PWD Lawngtlai leh thuneitute hnenah an thlen tawh thu leh  kawngchhia siam nan a hmalakna chu a beithamin,  lungawi har an tih thu  DC hi an hrilh.

YLA Sub Hqrs, Chawngte P hruaitute hian CEM pawh hmuin, khawtlang hmasawnna tur te an sawipui bak ah CEM Relief fund atan Rs 2000/- an chhunglut.