Vawk lakluh leh lakchhuah, Dist. Magistrate in a khap

      Vawk natna hri leng vangin Lawngtlai District Magistrate Dr.Andrew H.Vanlaldika chuan Lawngtlai District chhung ah Vawk lakluh a khap.

         Vawk natna hri Porcine Reproductive and Respiratory Syndrome (PRRS), Swine Fever (SF) leh African Swine Fever (ASF) te hi ram dang Myanmar leh Bangladesh bakah, District dang atang te paw'n Lawngtlai District chhungah lut thei reng nia hriat a nih avangin Lawngtlai District Magistrate  Dr Andrew H. Vanlaldika,  chuan CrPC section 144 tlawh chhanin Lawngtlai District chhung ah ramdang leh District dang atanga vawk lakluh khapna thupek a chhuah a. 

         Vawk thi reng reng tha taka phum vek tur a ni a, khamah emaw, kawrah emaw paih phal a ni lo. Lawngtlai District chhungah khawi atang mahin vawk lak luh phal a ni lova, District chhung atangin vawk lak chhuah phal a ni lova, Vawk talhtute'n vawk hrisel tha chauh an talh tur a ni a, Vawk  vawk damlo an hralh phal a nilo.

         He thupek zawm lote chu IPC section 188 hmanga hrem an ni ang.

       Hetihlai hian LADC Sorkar chuan Vawksarep zawrh a khap chhunzawm zel a, nguntakin thlithlai reng a ni.