NH-54 laihzauhhna thawh vangin harsatna liantham thleng a awmlo

        Lawngtlai leh  Hrangchalkawn ,Lunglei inkar kawng chu laihzauh hna thawhmek a nih vangin, zinveivak te din khawmuan zeuh zeuh chang a awm a, fur ruahtui a tlak nasat vangin lirthrei tang an awm zeuh zeuh bawk

        National Highway 54 laihzauh hna hi NHIDC ten thawkin, Lawngtlai District chhung hi June thla laihawl vel atang khan an laitan a, tunlai hian fur ruahtui a tlak nasat vangin, kawng hi hmun engemawzat ah chuan a nal viau a, kawngko sang tak tak te laih a nih vangin, leimin leh leitawlh a awm deuh reng bawk a, heng vang hian lirthei kalvel te an din khawmuan a ngaih chang a awm zeuh zeuh thin.

 

            Hetiang a kawngping leh motor tang a awm chang chuan NHIDC lam hian motor tang lakchhuah leh leimin thenfai hna hi an thawk nghal zel a, nimin thleng chuan, nitin mamawh chakkhai Lawngtlai District a lakluh tur khaihlak khawp in kawngping hi a la awm lo.