Tuhnai mai ah Bangladesh atangin Lawngtlai District mi rawn haw ten a rukin ramri an rawn kan tih hriat a ni a, DC chuan heihi a ngai thutak hle a, ramri ven hna thawktute pawh ngawrh zawka ramri vengturin a hriattir nghe nghe a ni.
Lawngtlai District hi International Boundary thuitak, Bangladesh leh Myanmar nen intawm a ni a, a bikin Bangladesh lam nen a inrina lai chu cheng tamtak sengin hung a ni a, BSF ten thutchilhin an veng reng bawk a, hetichung a ramri kan a rawn lutru an la awm thei hi a mak viau a, hripui leng vanga mitin te an fimkhur em em lai a, ramdang atanga hetiang a rawn luhmaitheih a ni hian mipui a tiralkhel viauin a hriat a ni.
Tuna Bangladesh atanga rawn hawte hi helai District mi an nih vangin hriatchhuah an awmlsam phah a, an ni pawn a ruk a ramri an rawn kan maithei a nih chuan, ramri ven hna hi a vengtuten an thawk ngawrh chiahlo deuh ah ngaihna a awmthei a, helai tak hi thuneitu sang zawk atang pawn enuluk ngailai a niin a rinawm.
Hrivang kherlo pawn ramri hi ven uluk hi engtiklai pawn a tul a, ramriber ven uluk a nihloh chuan, Lawngtlai Distrist hi kawng hrang hrangin a himlo thei tih a chiang a, ngunzawka ramri dinhmun hi enfel a ngai viauin a hriat a ni.
Tags
Editorial