Editorial | VOTER NGE I NIH, CITIZEN ?

         Dan pangngai ang a a kaltheih chuan, kumtawp lam ah District Council inthlanpui hmabak a ni a, tun atangin Politics boruak hriattur a awm zeuh zeuh a, bial beiseite phei chu an chetchhuahna pawh a rei viau tawh awm e.

         Ram inrelbawlna ah hian, mipui lam hian engchennge thuneihna an neih tih hi, mipui siam Sorkar neihna ram ah hian ngaihtuah chian a pawimawh  khawp mai.

           Mipuiten an aiawha dawhkan kiltur a an thlanchhuahte hian, mipui tan an thawk em? Hengmite hi mipui tamber duhthlanna a tling vek an ni lemlo tihte, Candidate tamna bial ah phei chuan, Vote tamvaklo pawn a tlin maitheih tih hi a hrechiangtu chu mipui lam tho an ni.

            Hetiang hi a nih vangin, Candidate te inkar a inbeihna pawh, a langa boruak sangvak hmuhtur awmlo mahse, chhungril lam ah erawh a lian viau thin a ni.

             Heng thuneihna inchuh kar ah hian, a laia ding a, an aiawha roreltu thlangthei chu mipui an ni a, mipui lamin an dinhmun diktak an hriat a pawimawh khawp mai.

 

             Candidate te hian mipui vote chiah nge an duh a, khua leh tui an nihna ah, an hmakhua sialsak inhuamin an vote hi an beisei tih hi zawhna awm thei a ni a, mipui lam   hian Vote an    thlak in, Voter an nihna a, an duh duh vote mai mai nge an nih. Khua leh tui, Citizen an nih angin  ram tan vote an thlak tih hi ram hmasawnna atan a bulpuiber zing a mi a nih a rinawm.