LADC a Chief Executive Member, Pu T.Zakunga chuan July 17, 2020 Zirtawpni khan Lawngtlai District MJA Welfare & Pension Rules 2020 chu a tlangzarh.
Lawngtlai Press Club a he hun hmanna ah hian Pu T.Zakunga chuan, midang tana malsawmna nihtheihna kawng kan nei vek tih sawiin, mahni mihringpuite lak a that chhuah hi Pathianin khawvel a mindah chhan a ni a ti.
CEM chuan tunlai ah Social media a chakin, chanchinthar rang tak takin a hriattheih lai hian, thil tak tak ah chuan Social Media a thu thehdarh tamtak hi za a sawmnga bak hi rintlak a awm manglo tih sawiin, Chanchinbumite hlut a tlahniam anga sawi awm thin chu ngaihtuah chian chuan, a hlu tulh tulh zawk a ni a ti.
MJA Gen Hqrs President Pu Zonunsanga Khiangte chuan MJA Gen Hqrs chuan The Mizoram Working Journalist Contributory Retirement Scheme 2020 buaipui mek a nih thu, MJA Lawngtlai District te thu a thawn ah sawiin, a hlawhtlin hun ah chuan, manhla tham tawk tak MJA member tin ten Pension an neih ve theihtur thu leh Lawngtlai District MJA Member te tan phei chuan an manhla zual tur a ngaih a nih thu a sawi.
District MJA President Pu Lalngheta Ralte chuan MJA Lawngtlai District Welfare &Pension Rules 2020 chu District MJA Member tinte intuamhlawm nan a duan a nih thu sawiin, LADC Sorkar in pawisa a dahsak chu tangkaizawk a hman a nih theih nan District MJA chuan ruahmanna an siam tih a sawi a, Journalist te dinhmun hrethiam a ngaihsaktu Council Sorkar an nei chu lawmawm a tih thu a sawi.
He hun ah hian LADC a Executive Member, Information changtu Pu H.Chhuanawma chuan MJA Member Full Pension a chhuak Lairam Daily Editor Pu V. Lallianzuala hnen ah thlatin Rs 2000/- a dawntur leh Dist MJA ten an thlahna, a nupui hnenah a hlan a, Member dang te hnen ah Pension Bank Account Passbook a sem bawk,
Tags
News