Lai hnam kut ngaihhlut leh tun thleng a hriat zui hlawh ber, Hlukhla chu vawiin leh naktuk hian hman a ni leh dawn a, a lawmawm ngawt mai.
Hman deuh khan Chapchar Kut nen a rual in hmunkhat a hman a ni a, kha khan, Kut pahnihte hlutna a pawthniam ve ve in a hriat a, LADC Sorkar leh Central YLA hmalakna a a hran a Hlukhla hman a ni chho hnu hian, Hlukhla hlutna pawh hi a nasa sawt in a hriat a ni.
Kut hmandan leh a ruahmantuten an ruahmanna chu engpawhnise, sawinawi phet tum tan chuan, khawilai kil ah emaw chuan, bemang kai deuh pawh an lo hmu mahna, a pawimawh ber zawk chu Hlukhla hi nasa zawka kan hlut thiam hi a ni a, Laifate Kut ropui tak hi a neituten an hlut thiam chuan, khawvel hmuh ah kut hriathlawh a ni anga, inpumkhatna atan tangkaitak a ni ngei ngeiin a rinawm a Hlukhla hi mipui ten i ngaihlu deuh deuh ang u