ZPM in beihrawn a tawk, LADC ah Congress leh MNF thawhdunna chu Sorkar tha duh vang a nilo, Pu B.Lalchhanzova'n a ti.

I&PR Minister, ZPM Gen.Hqrs  a Media Chairman Pu B.Lalchhanzova chuan LADC ah ZPM Sorkar, nghialnghet tak a din ngei an beisei thu a sawi.

Pu B.Lalchhanzova hian vawiin khan Lawngtlai Press Club ah Thuthar thehdarhtute kawmin, ZPM chuan LADC Inthlanpui neihtur chu ala urhsun hle a ti a, LADC ah Kalphungthar Sorkar a pian ngei a beisei thu sawiin, chu chu Lai Autonomous District Council mipui tan hmasawnna leh ram damna bultanna tur a ni a ti.

I&PR Minister chuan Dampa bial By election ah ZPM chu Political Party pathum, Congress, BJP leh MNF ten an beihrawn ni a sawiin, ZPM Candidate a tlinloh theih nan Congress leh BJP ten MNF Candidate an pui a ti a, ZPM Sorkar in kalphungthara ram a hruai mekna chu daltumin eptu lam ten theihtawp an chhuah a, ZPM Party ah kalphungtharin nghawng a neih chu, mahni Party mite chauh duhsak bik an nilo chu a ni tiin, Gen Hqrs lam ah pawh an Party mite chuan duhsakbik an hlawhloh vangin an vui thin a ti a, kalphungthara ram hruaina ah a hlawkna ram in a tel chho mek a ti.

LADC Inthlanpui neihtur ah Congress leh MNF chuan thawhdunna thuthlung an siam ni a sawiin Pu B.Lalchhanzova chuan Party pahnih, englaimaha inremlo, tumdan hrang nei an thawhdunna theihna chhan chu ZPM lianzel tur dan duhna vang a ni a ti a, an thawhdunna ah hian  ram hmangaihna a tello a ti.