Khawvel hmun hrang hrang, a bikin East Asia leh South East Asia ram vela Covid19 hri leng mekin Lawngtlai District a luh loh nan Lawngtlai District Administration chuan a theih ang angin hma a la a.
Lawngtlai District hian Myanmar nen ramri thui tak an intawm avang leh khualzin vak vel tam takin he ramri hi an pal tlang theih avangin District Magistrate & DC Pi Shashanka Ala, chuan Sangau Sub-Division huam chhunga ramri bul Saisihchhuah leh Archhuangkai-ah te Myanmar atanga lo lut turte'n India ram chhung an lo luh hmaa Coronavirus laka an him leh him loh lo enfiah hmasa tur medical team dah turin February ni 26 khan Lawngtlai Chief Medical Officer a hriattir a. Heti ang medical team hi dah theih a nih hmaa he lai ramri lo thlithlai uluk turin Sangau Branch YLA te chu ngen an ni bawk a.
He thil hi a tul anga bawhzui turin Sangau SDO (Civil) chu tih a ni.
Tags
News