Thingkah ram a 3rd IR Bn hmunpui tur chu 96% zawhfel a ni tawh

             Cheng Nuai 2842.28  senna tur, Lawngtlai bul Thingkah ram a Indian Reserve Police, 3rd Batallion hmuntur sak mek chu a pumpuiin 96% zawh fel tawh tih he hna thawktu North East Consultancy Service (NECS) hotute chuan an sawi

         Nimin khan  Lawngtlai District MJA te chuan 3rd IR BN.Hqrs building sak mek chu an President Pu Lalngheta Ralte hovin an tlawh a, Kum 2014 December thla khan hna hi thawh tan niin, tun ah hian zawhfel a ni tep tawh a,kumin March thla a zofel hman turin hna hi thawh mek niin, tunlai hian Building rawng hnawih hna thawh chhoh mek niin, Building hi avaiin Duty Post 6 nen  42 awmin Electric wiring zawhfel tawh niin, Building a thawmthat ngai leh chulmam ngai lai thenkhat te thawhmek a ni bawk.

           

           MJA te chuan Lawngtlai District chhung a hmasawnna hnathawh te chu a theih ang ang a vilzui an tum thu leh kum kalta July ni 5 khan 3rd IR hmunpui tur hi an lo tlawh tawh thu leh, hemi tum a an duhkhawplai an sawite siamthat a ni chu lawmawm an tihthu sawiin, neitu rilrupuin, rinawm taka an hna thawk chhunzawm tura an duh thu hnathawktute chu hrilhin, MJA anga tihve theih an neih ah theihtawp chhuahpui an inhuamthu an hrilh.