Editorial | MIPUI IN AN HRIATTUR AN HRE TAWKLO

        Sorkar hi mipui vanga awm a ni a, Sorkar hnathawh pui ber chu, mipui ten hma an sawn theih na tur a niin, Sorkar ah hian mipui lam pawn chanvo an nei lian hle a ni.

        An tan a hnathawh leh an hmakhua sial kawng a sorkar hnathawh chu mipuiin an hriat ve zel theih nan ruahmanna mumal tak siam niin, Information & Public Relations Department pawh Mizoram ah changtlung takin a awm mek a, heng piahlam ah hian RTI Act hmang pawn mipuiin an hriatduh an hriat theih nan kawng zautaka hawn a ni.

      Hetihlai hian, tunlai boruak ah, Covid 19 chuan khawvel a dengchhuak a, Mizoram ah pawh insawithaihna lam hawi thlengin hriattur a awm chho me, Lawngtlai District bik hi ramdang Myanmar leh Bangladesh nen ramri thuitak nei a ni a, he hrileng chungchang ah hian hmalakna erawh mipui hriatphak turin a awm mumallo viauin a hriat a, invendan emaw, lo hmachhawndan emaw ah mipui lam an bangbo viau in a hriat a ni, hetiang deuh tho hian tunhnai mai ah Lawngtlai District chhung Boropansury atanga Lunglei lam a Vawk lakluh chu PRRS vei tih hmuhchhuah a ni a, mipuite fimkhur a ngai viau bawk awm e.

        Sorkar hmalakna thar pakhat Ration buhfai semdan thar pawh Lawngtlai District ah hmantan mai tum a ni tawh a, mipui lam erawh           an la bangbo viau thung si.

         

         Sorkar hian thiltha tak tak a tihmek lai hian, mipui lam in an hriattur pawimawh ni awm a lang ah a ngawih a chuh deuh thin in a hriat a, mipui ten an hriattur awm ang an hriat hian, hnathawh pawh a tiawlsam viauin a rinawm a ni.