Ramneitu ten March 13 khian KMMTTP kawngpui ah Genral Body Meeting neih an tum

            Lawngtlai atanga Myanmar ram pawhtur a kawngpui sialmek a ram neitu intelkhawm, Lawngtlai District Land Owners Association chuan, zangnadawmna an  hmuh theihloh vang a, thuneitute an nawr kalmek ah, thlathar March Ni 13 khian, Kaladan Multi Modal Transit Transport Project Kawngpui ah General Meeting neih nan tum.

          Ram neitu intelkhawm te hian zangnadawmna an hmuh ngei theih nan a thuneitute an nawrna vangin, helai kawngpui sialtu Company te hnathawk theilova an dan hi a vaia belhkhawm in kum khat aiin a tam tawh a, nimin a an pawl President Pu H.Remmawia hova Executive Committee thukhawm chuan, thlathar  March 13 khian he kawng          a ram nei, zangnadawmna la pekloh zawng zawng  kokhawmin, KMMTTP kawngpui ah General Meeting     hi neih nise tiin an rel .

           

           KMMTTP Compansation hi a tir ah ram a tihchhiatsak ni a insawi mi 1024 awmin, hetatang hian vawi engemawzat Joint Verification neiin thlitfim a ni a, tun dinhmun ah mi 303 te chu Compansation latur hian tifelin, an lakzattur nen ruahmanfel a nih hnu ah Sorkar chuan a Cancelled tih Ram neitu intelkhawmte chuan sawiin, he cancelled order hi hnukir turin sorkar an phut mek a, an hmalakna vang hian kumin January ni  14  khan Land Owners Association hruaitu mi pasarihte chu an President Pu H.Remmnawia hovin, Lawngtlai Police te chuan an lo hreng tawh nghe nghe a ni.