Tunhnai mai ah, naupang rukbo tumna a awm ni a sawi a awm vangin, misual ni a hriatte hnamdang pathum chu an motor nen man an ni a, social media lam a thehdarh a nihdan in, mipui kut an tawrh nual bak ah, an motor pawh hal a ni a, khathu kalzel ah khan, thutawp la awm chiahlo mahse, pawisawilo chung ah kutthlak a ni mai awm mange tiin ngaihdan a siam chho theih mek.
Hetiang ang deuh boruak hi Lawngtlai District ah pawh kan lo tawk tawh a, YLA leh Police te, Journalist ten theihtawp chhuah a tan an lak hnu ah boruak alh hluai lovin a reh chho thei a.
Heng thilthlengte hi dawt emaw thudik emaw a nih leh nihloh finfiah na tak a awm hma a, mipuiin kut an lo thlak mai ang chi hi a fuhlo takzet a, midang tichiai thei thu thehdarh kawng ah lah, kut rang fe fe hriattur an tam bawk nen, thilthleng a zirin, mipui nghawng thei tur ang chi ah chuan, finfiah hmasak hi mifing leh hnam changkang zia a ni.
Thilthlen dan in ang deuh reng ah, chhim lam dahhniam fo thin ten, chhimlam kan hniam loh zia hi hrenawn se, fimkhur takin kan NGO te an che thin tih te pawh hrethar se, chhimlam chetdan kha inzir nan hmang se a duhawm ngawt mai.
Tags
Editorial