NYK buatsaihin Bualpui NG ah Thalaite te fuihtharna hun hman a ni.

             Inrinni khan Nehru Yuva Kendra, Lawngtlai bul tumin  YLA Bualpui (Ng) Branch huaihawt-na in Youth Club Development Convention & Fit India Programme chu Bualpui (Ng)-I Community Hall-ah hman a ni. 

            He hun ah hian khuallian atan  Pu. George H. Lalawma, Revenue Officer, Sub-Hqrs : LADC, Bualpui (Ng) chuan hmanpuiin, Resource Person atan  Rev. Lalhruaia Chenkual, BCM, Phawngpui Bialtu hman a ni.

              Khuallian chuan NYK ten thalaite hmakhua ngai a, an hmasawnna tur atan hun an buatsaih thei leh hemi denchhen a National Junior Football Championship a Mizoram aiawh a Bualpui (Ng) tlangval pahnih Ramthianghlima, Gratus Lalhnehliana leh an Coach R. Vanlalpeka te Chawimawi phu, YLA Bualpui (Ng) Branch ten a Chawimawina hun an han buatsaih tel theite, Bualpui (Ng) chu tun hma atangin Infiamna ah  Lawngtlai District ah sulhnu ropui tak lo nei tawh an nih avangin hun lo la awm turah tan la thar sauh sauh turte, NYK in he hun a buatsaih chhan ang taka mahni in vawng fimkhur a, ruihtheih thil a fihlim  a, mahni intodelh  tur leh National chauh ni lo, World Level thleng a kal thei tura Pathian tihna leh rawn chungin inbuatsaih thar zel turin thalai kalkhawmte a chah a ni. 

    

             

                NYK  a thawktute, Resource Person leh sawm bik atang ten  fuihna thuchah tha tak an     sawi a,  YLA Branch he hun a tel te hnenah NYK, Lawngtlai chuan Football, Volley leh  Net a thlawn in an pe.