Mithiltithei nih hi thil har tak a nih laiin, he dinhmun luahtute hi ram innghahna an ni a, an sukthlek a zirin ram nihphung a inherdang vek thei a ni.
Politician an ni emaw, Officer an ni emaw, Sorkar in mipui tan a thawktur a a rawih, Sorkar hnathawk an ni emaw, NGO hruaitutute an ni emaw, an kut a midang tana thiltihtheihna awm chu diktak a an hman a pawimawh a, hemi atang hian hmasawnna pawn awmzia a neithui thei viau a ni.
Mipuite hian thiltitheitute hian kan lakah an thiltihtheihna hi engtiang hawi zawngin nge hmang se an tih, tih hian, thiltithei a dingte sukthlek a herdanglam sak thei a, an duhsak zawng nih vanga dan zawm lova an duh zawng tihtir phet tum te pawh a awm theih, thiamna lam aia thiltitheitute vanga dinhmuntha a dingte pawh a awmtheih ang, dan in kawng zawhtur a duan, kawngkapui awm reng a, kawng tluang zawh lova, ka tithei a lawm tih vang a tukverh atanga luhkher tum te pawh a awmthei ang.
Engpawhnise, mipui lam ten tutenge mithiltithei an tih ? tih leh Thiltithei a dingten engtianginnge an thiltitheihna an hman ? tih hi ram hmasawn leh sawnloh innghahna a nih miau vangin, tutenge Thiltithei a kan ngaih leh, kan tihtir duhdan hi kan inenfiah fo a pawimawh awm e.
Tags
Editorial