Mampui khaw zauhna tur a kawng laih thar, World Vision, Prog. Manager in a hawng

        Zirtawpni February 22 khan  Mampui khua zauhna tura World Vision India, Chhimtuipui ADP ten kawng an laihsak chu Paul T. Touthang, Programme Manager, World Vision India, CADP chuan a hawng.

        Rs. 4, 72,500/- senga laih Mampui Villge Extension Road lungphun hawnna Pu A. Lalhmingsanga, President. Viallage Council. Mampui, Kaihhruai ah Pu Paul T. Touthang chuan he kawng hi Mampui khawtlang ten an khua zauhna tur atana kawng pawimawh tak anih theih nan a hawng tih a sawi a. Kawng laihzawh tawh chu a endik nghal bawk.

          He Kawng laih zawh hawnna Inkhawm Pu H. Zoliansanga in a neih ah Paul T. Touthang chuan He hun an human mek chu Mampui khawtlang tan thil hriat reng tawh tur anih a beisei thu sawiin, He kawng laih nan      World Vision chuan Pawisa a tum a, an beisei leh rin phak    baka tha a an lai   chu Mampui VC leh YLA te chungah lawmthu a sawi bawk a. Mampui khuaa in leh lo neilo ten tangkai taka an hman anih  a beisei thu a sawi bawk.  He hun telpuitu Bialtu MDC. LADC  a  Dy Chairman, Pu LR. Dingliana pawhin thu sawiin, Mampui khawtlang tana World Vision thiltih chu ropui atih thu leh Lai District chhunga World Vision hmalakna tamtak chu Miretheite tan a chhenfakawm em em thin ani ati bawk.

           

Kawng hawn Inkhawm hi Pu Thangchhinga Mampui VC Vice President chuan kaihruaiin, Pu A. Laldampuia,  Mampui Branch YLA President chuan Technical Report a pe a.Mampui khua zauhna tura ram an laih hi Soil Deptt ram anih thin thu leh, Soil Deptt chuan kum 2016 khan LADC kutah a hlan a. Mampui Branch YLA ngenna angin LADC chuan Mampui YLA kutah kum 2018 khan ahlan ve leh a, Mampui VC leh YLA chuan an khuaa In leh Lo la neilo mi 52 te tan In sakna turin ruahmanna an siam ta ani. World Vision India CADP chuan Rs. 4,72,500 sengin helai kawng hi a laihsak a. Hectare 27 a zau chu thlur li in an laihchhuah sak vek ani.