Editorial | APHAWVUAK AH HIAN KAN BUAI NASA DEUH EM

Aphawvuak tih tawngkam hi, a tak thleng silo, a behbawm vel sawinan hman thin a ni a, Mizoram sukthlek hi nguntak a thlir chuan, a tak ram luhchilh silovin, a phawvuak ah hian kan buai deuh mai mai niin a hriat.

        Ram hmasawnna tur a thawktu Political Party leh Sorkar ngei pawh hian, a tak ram luhchilh aiin, mipui an hlui tam ber chu, chantha zawk nih inchuhna te, inchirhthehna lam hawi te a ni fo.

       Kohhran leh khawtlang ah pawh hetiang deuh tho hian, a takram luhchilh tak tak aiin, hmalam panna tur a thiam tak tak a thusawi leh a bawhzuina lam a tuanfum viau si, ruahmanna tha tak tak nei lawisi te pawh a awm tam theih viauin a rinawm.

        Kan nunphung kawng hrang hrang hian, a takram pawh pha leh pawh duh tak tak silo hian, a phawvuak ah kan buai a, inhnagfakna kan zawng a, chu chuan awmzia a nei thui        tak tak thin silova, tun ang zel a Mizoram          hi a kal a nih chuan,      eng anga ruahmanna tha pawh awm     mahse, hmasawnna chaktak hi beisei tur a awm tam vak in a rinawmloh.