OFFICE OF THE PANG ZIRLAI PAWL : GENERAL HEADQUARTERS
No.PR.17/PZP(GHQ)2019-2021
Press Release
Dt.8.1.2020 (Wednesday) 6:30pm-ah Pang Zirlai Pawl, General Conference Vawi-33na chu SAIKHAWPUI RÛN Cham- durtlang ah hman chhunzawm zel a ni a, Pu C.Lalneihkhuma, Executive Member i/c Primary Education LADC chuan Khual Ropui niin he hun hi a hmanpui a ni. A hun thumna (CULTURAL NITE programme) hi Vanbiakliana, General Secretary chuan kaihruaiin, Pu L.Lalawmpuia, Evangelist Teacher chuan hunserh a hmang a, C. Lalhmangaihzuala Asst. General Secretary-in inhmelhriattirna hun a hmang bawk. Samson Lalthanzama Secy i/c Historical chuan PZP Motto sawirualna kaihruaiin, Headquarters, Sub-Headquarters leh Joint Headquarters hmalakna reports ngaihthlak a ni bawk a ni.
He hun hmanpuitu Khual Ropui Pu C.Lalneihkhuma EM i/c Primary LADC chuan thusawiin,"Pang Zirlai Pawl hi kan hruaitu hmasate taihmakna leh thatna a zarah tun dinhmun hi thlengin, vawiin ni ah chuan Pangfa Master of Arts(MA), Master of Science(MSc), Bachelor of Divinity(BD) te pawh tam tak kan awm tawh a, heng hi kan hruaitu hmasate vang a ni a. Kan hruaitu hmasate hi a thenin he khawlvel ah awm tawh lo mahse anmahni kan hrereng a ni" a ti a. Pangfa kan insuihkhawm theihna tur awm chhun chu PZP chauh hi a ni a ti bawk.Mitin kan tih theih tawk theuh PZP tan ti ve ila,Pangfa hi Engkimtithei Pathian hnam siam a nih vangin i zahpui lo ang u a ti bawk.Khuallian chuan sawi chhunzawmin," Zirlai Pawl hruaitu chuan zirlai pawl hruai mai se,Tlawmngai Pawl chuan tanpui ngaite tanpui se,mitinin kan tihtur theuh dik tak leh fel takin ti ila, khawvel hi a fel thin a ni. Zirlai Pawl chuan zirna chiah ngaihtuah se, kan huanglo kan dai hian thil a pawi thin a, chuvangin kan tih tur chin chauh i ti ang u" a tiin zirlai kalkhawm te chu a chah bawk a ni.
He hunah hia Pu Pc.Lalramliana Sr. Adviser PZP Gen. Hqrs in Conference Thupui sawizauna neiin, Pu Lianhmingthanga General Secretary MBSA(NESO Council Member ni bawk) leh mi chi hrang hrang hnen atangin thu tha tak tak ngaihthlak a ni bawk.Zaithiam zai mawi tak tak ten zaiin mipui kalkhawm te an awi bawk a ni.
"Deeds, Not Words"
Sd/-
(LALHMANGAIHZUALA)
Asst. General Secretary
Tags
News