KMMTTP zangnadawmna phut vangin, hnathawktu dan tum a ni.

       Lawngtlai District Land Owner's Association Office Bearer Meeting chuan Kaladan Multi Modal kawngpui sial hna kal mek chu tiamchin awm loa chawlhtir nise an ti.

       KMMTTP hnuai a, Lawngtlai atanga Myanmar pawh tur kawngpui sial mek chhunga ram neitu, Zangnadawmna la pek loh ten an din, Lawngtlai District Land Owners Association Office Bearer meeting an Office a an neih chu Pu H. Remmawia, an pawl President chuan a kaihruai a, Meeting chuan kum 12 chhung Compensation pek phuta kawng hrang hranga an nawr hnu pawh a, hmasawnna hmuh tur la awm lo chu an hriatthiam loh thu sawilang in, tiamchin awm lova hnathawh lai chawlhtir nise an ti a, he an thu passed hi karleh Zirtawpni a Executive Meeting ah ngaihtuah nise an ti bawk.

        KMMTTP kawngpui sial mek a ram nei mi 303 te chu Zangnadawmna pek an la nilo a, Zangnadawmna pek tur sum hi avaiin Cheng Nuaih 5000 chuang hret ni a hriat a ni.