Nimin a LADC Session tan a nih hmain Lai Students Association Gen.Hqrs Lawngtlai chuan LADC Session ah Budget pass a nihtheih nan a MDC te ngenna an kalpui mek bawhzuiin, Areopagy atangin Session Hall kawt thleng Budget pass an duh thu, thuziak te kengin, kawng an zawh a, Session a teltur MDC te chu Gate pawnlam ah an lo hmuak.
Kumin July thla a Budget Session neih laiin Sorkar rintawklohna Motion House ah putluh a nih vangin Budget pass theih a nilova, tuntum Session ah hian LSA te chuan Budget pass a nihtheih nan MDC te chu hmalatur a ngenin an lo ngen tawh bawk.
LSA Gen. Hqrs President F.Vanlalruatpuia chuan LADC ah Budget pass a nih loh vangin, sum tamtak Council in a hmuhtur chu a hmuthei lova, heivang hian hmasawnna pawh beisei angin a kalthei lova, heivang hian ram hruaitute chuan Budget hi pass phawt se, Politics virvel ah tihduh dang an nei a nih chuan Budget pass hnu ah ti mai se tih chu LSA ngaihdan a nih thu a sawi a, Budget pass tum ni ah pawh, MDC te chu Budget pass tur in ngen leh an tum.
Tags
News