Editorial | SORKAR IN THUTLUKNA A SIAM THIN HI

Mizoram chhung ah ringawt pawh, sorkar thiltih dan duhloh vanga Sorkar nawrna, a khattawkin hriattur a awm fo a, tute pawh sorkar se, hetiang thawm hian reh tih tak tak a nei lo niber in a hriat.
Sorkar chuan mipui tan a thaturin ro a rel a, duhsakbik a neih a rem lova, tute emaw dawmkan an tumna lam ah, tute emawin a tawrh a rem lo, laitakin sorkar chu a kal mai tur a ni, tih hi ngaihdan kawng tluang purh mai inzamsa a awm a, he kawng hian zawh a hlawh leh hlawhloh chu a chhuichiangtute chhandan ah innghat se a tha awm e.
Sorkar in thu a tihtluk tawh sut a ni hian sorkar chu zuamawm tak ah a siam thei a, thildang daih ah pawh, sorkar nawr duhna a pianchhuah phah thei thin a, sorkar chuan a hnulam a thilthleng thei nen lam ngaihtuahna neiin thil a tih a pawimawh a, a titheitu nih vanga tih ngawt ang chi te hi thilawmthei a nih laiin, sorkar meuh chuan hetiang hi a tih a rinawmloh.
Hetihlai hian Sorkar thutlukna zawng zawng hi mipui lam in an pawm vek kherlo tih erawh hriattel a pawimawh a, nawrna vanga thu a sut emaw, a siamrem hian an thawhsak mipuite an ngaipawh tih erawh a lang thin a, mipui aw an ngaihchan thiam a tulin, mipuiin an duh an thlen an chhan loh hian, mipui lam chu rilru natakin an awm thin tih pawh an hriat fo a tul awm e.