LAWMTHU SAWINA

           State Games 2019 chu tluang takin kan zo thei ta hi lawmawm ka ti tak zet ani. Kan bial (Lawngtlai East) atangin infiammi 154 lai an lo kal theih avangin an hnenah lawmthu ka sawi ani. Tin, constituency level committee hruaitute leh sports discipline hrang hranga hruaitute hnenah lawmthu ka sawia, an thawhrimna leh kan bial tana tan an laknaahte fakawm ka ti takzet ani. Tin, thlenna min ngaihtuahsaktu DRC ,Lai House leh thawktu zawng zawngte chungah lawmthu ka sawi bawk a ni.

          Lawngtlai East bial atangin Medal 16 lai kan la a, ka lawm hle a ni. Kan Medal lakte hi - Gold - 2, Silver - 6, Bronze - 8 a ni a, a bik takin Medalist-te hnenah lawmthu ka sawia, ka chhuang takzet hlawm a ni.

          Kan Chief Minister zahawm tak Pu Zoramthanga leh SYS Minister Pu Robert Romawia Royte-te hnenah lawmthu ka sawi bawka, thalaite Sports lama hma kan sawn theihna tura State Games an buatsaih hi lawmawm ka ti a ni.
            State Games 2019 hi bul kan tan thar leh naah ngai ila,Sports-ah tun aia tha zawka hma kan sawn zel theih nan Lawngtlai East MLA Bial-a thalai infiammi zawng zawngte duhsakna ka hlan a che u. Ka lawm e.

                                                                                                                 H.Biakzaua, MLA
                                                                                                                Lawngtlai East Bial