A kumtelin Lawngtlai ah hian, hunpui laiin, midang tana luangchhuak a, tanpuingaite tanpui thawm hriattur a tam chho deuh deuh a, a lawmawmin, helam a hmasawnna awmmek hian khawpui hi a timawi khawp mai.
Kumin ah pawh tanpuingaite tanpuitur a penchhuak an awmchho leh tan tawh a, hunpui hi mahniin hlim taka hman a, miharsa zawkten mittui nen an hman remtilova, an mahni hmangaihna vanga thilpek hmanga che chhuak thin te hi an fakawm a, pawl leh mimal inphalte thiltih hi entawn tlak a tling a ni.
Hetiang a midang tana mithahnemngaite, thilpek hmanga an luanchhuah mup mup lai hian, an tih ang tive theilo emaw, tihnachang hre lemlo te pawn, he hunpui kan hmuah mek ah hian midang tan kan luanchhuah ve theihna kawng awlsam tak chu, midang tana hnawksak lova kan awm hi a ni.
Kan hlimna chu, midang tan ninawm, an hlimna daltu emaw a nih chuan, mite tan a malsawmna nilovin, midang nekcheptu, mahni tanghma chauh en thin nih hlawhna a ni a, heivang hian, mahni theihna zawn theuh ah midang tana kan luanchhuah ve theihna kawng dap ila, chu chuan boruak nuam tak hnuai ah hunpui hi min hmantir ngei ngeiin a rinawm a ni.
Tags
Editorial