India leh Myanmar ram aiawhten Zorinpui Land Custom Station dinna tur an en

     
        Lawngtlai atanga chhimthlang hawi a, Myanmar ram pawhtur a kawngpui sialmek, Multi Modal kawngpuiin Myanmar ram a pawhna tur, Zochachhuah piah, Zorinpui a, India leh Myanmar insumdawntawnna tur hmun atan a ruahman chu Inrinni khan ram pahnih aiawh ten a hmun ah an enfiah
Zorinpui a Land Custom Station dinna tur hmun hi, Myanmar  palai 10 leh , India sawrkar ai awh mi 7  bak ah  Mizoram Commerce &Industry  Department hotu mi 4 te  leh  Assam Rifles hotu  ten ramria insumdawn tawnna hmun tur hi en fiah a. Zorinpui a Land Custom Station  hmun atan hian Mizoram sawrkar Commerce &Industry  Department chuan ram bigha 67.32-a zau leiin, a sakna tur cheng vaibelchhe 57.99   Detailed Project Report  pawh theh luh leh pawm a ni tawh a, Schedule of Rate  2019 milin Revised DPR theh lut leh tura ruahman a ni bawk.
India leh Myanmar insumdawn tawnna atana  Multi-Modal  kawngpui sial hna Mizoram PWD hnuaia thawh mek chu 85% thawh zawh tawh a ni a. Zorinpui leh Myanmar rama Myeik-Wa khaw inkara lei (bridge) dawh  tura ruahmanna awm mekah lei dawhna hmun tur remchang lai te pawh  en nghal a ni.
Land Custom Station dinna tur enna ah hian Myanmar atang hian Ministry of Foreign Affairs atangin Head of Branch-II,  Wai Yan Min Myint leh Police Lieutenant Colonel, Thein New Hlaing bak ah Ministry of Defence atangin, Lieutenant Colonel, Win Min te bak ah, Ministry of Transport & Communication, Ministry of Natural Resources & Environment Conservation, Ministry of Labour, Immigration & Polulation, Ministry of Commerece, Ministry of Planning & Finance, Ministry of Construction leh Chin State Sorkar aiawh te an tel a, India lam atangin Ministry of External Affair atangin Colonel Mohit Nasa bak ah DoNER, leh Ministry of Road Transport & Highway a mipawimawh te leh Official dang te an tel