Hunpui a hnai a, mitinten boruak muanawmtak hnuai ah hun hman an duh a, mitinten hlim an duh a, hlim taka hunpui hman an tumdan erawh a inanglo fer fur thung ang.
Heng hlimna hun ah hian, hlimdan hi zir a ngaiin, hlim thiamlo te vangin, hlimve tur dangte an hlimloh phah fova, mahni hmasial taka, midang ngaichang hauhlova, mahni chauh inngaihtuah chung a hlim tumte hian, hlimdan hi an zir a, an thiam pawh a pawimawh viauin a hriat a ni.
Mi hrang hrang leh thianzaho te pawh nise, hunpui ah, midang tan a harsatna siamlo zawng a hun nuamtak hmang thiam apiang te hi mifing an ni a, midang pawisakna neilo a, mahni duhdan dan a tal mai ching te hi, hlimdan thiamlo leh hlim ve tlaklo hial a ngaihtheih an nihna a awm awm e.
Apawimawhber ni a lang chu, kumpuilinglet in Krismas hunpui hi mitin te nghahfak a ni a, he hunpui ah hian, zalentakin, midang tana hnawk silovin hun hmantum ila, ruahmanna siamlawk a nih pawn helam hawi hi ngaihpawimawhnise, a bikin thalai zing ah, khawlai dung a lengvak duh te pawn, midang mitmei veng chungin hun hmang maise, chu chuan boruak muanawm leh nuam tak hnuai ah hunpui min hmantir ngei ang.
Tags
Editorial