YLA Gen.Conf. thlenna tur, East, MLA in a tlawh

Kumthar 2020 April thlaa Young Lai Association,  General Conference neihna hmun tur Lawngtlai Vengpui Playground chu nimin zing khan Lawngtlai East, MLA Pu H. Biakzaua  chuan a hmunah a en.

Pu H. Biakzaua, hi Lawngtlai Vengpui VC Memberte leh Vengpui Branch YLA hruaitu ten an tawiawm a, kumthar 2020 April thlaa YLA General Conference tha taka an thlen theihna tura an inbuatsaihna te YLA hruaitute hian sawiin, harsatna an neihte Pu H. Biakzaua hnenah hian an lo thlen a. Pu H. Biakzaua chuan YLA ten bul an lo tanna turin Property House sak nan Rs 500,000/- ( Nuaihnga ) a pek tur thu sawiin, a theih ang anga hmalakpui a tum thu a sawi.

Pu H. Biakzaua hian Field a en zawh hian Vengpui YLA Hall a en nghal  a, Hall siamthat ngai leh tih changtlun ngai awm te thlirho niin, MLA chuan a theih anga hmalakpui a tum thu YLA hruaitute a hrilh.