LIKBK Paithar Pastor bial ten kawng vangin hnatlang an ko.

        Nimin khan  LIKBK, Paithar  Pastor bial chuan, hnatlangin, Paithar tlangdung kawng khuar lai an hnawh bak ah,    kawng kam hnim an samfai.

    

         Pathianni lo awmtur hmang hian Rulkual khua ah LIKBK rorelna sangber dawttu, Regional Church Council nghah a ni dawn a, heivang hian kawng siam leh tihfai hna hi an         thawk tih helai   bial hruaitute chuan an sawi a, hnatlang a chhuakte hian  National Highway 54 atanga helai kawng a penna, Bawngkawn atangin, R.Vanhne inkar Kilometres 15 chuang a kawng khuar zual lai an hnawh   bak ah, kawngkam hnim te samfaiin kohhran member thahnem tak an thawk chhuak a ni.

        Helai tlangdung a khawtlang hruaituten The Lawngtlai Post an hrilh danin, kawng enkawltu Mizoram PWD te chuan kawng khuar hi nikum hmasa a an hnawh bak an chhunzawm lova, kumin hian R.Vanhne leh Rulkual inkar chu kawngkam samfaina tur an pekchhuah theih laiin, hnim samtur tam leh kawng thuizawk, Bawngkawn leh R.Vanhne inkar chu PWD lam ten tundinhmun ah an samfai theih loh vangin, motor insutpalh leh chetsualna            dang pawh tawh        palh mai a hlauhthawnawm vangin, LIKBK Paithar Pastor bial hian hnatlang hi an ko ta        a ni.