Central YLA bultumin Lai Cup khelhmek a ni a, tun hi tum hnihna a ni tawh a, infiammi te pawn an hlut viauin a hriat a, hetiang a Lai Hnam hmingchawi a Tournament liantham tak mai kalpui a nihi thil lawmawm tak a niin, hlut a phu khawp mai.Branch YLA te inelna atan a tih a ni hi a hlutna tizualtu niin a hriat a, Tournament lian dang a khelhna hmun changlo, thalai tamtak ten, hmun an chanphah hi a buatsaihtute hmathlir hlawhtlinna pawh a ni ngei ang.
Lai Cup hi kalzel se, chhawmnung zel nise tih hi duhlo an awmin a rinawmloh a, hetihlai hian, Tournament liantham tak, sum leh pai senral ngaihtamna a ni a, kumdang zel ah hei aia changtlung chho zel a kalpui a nihtheih nan ruahmanna chu siam a ni ngei ang tih chu chiangsa a ngaih ni mahse, Branch YLA te pawn, senso tamlo zawng a hmalak an tum chhoh deuh deuh a pawimawh a, he Cup a lawmman pawisa fai a tam leh tam loh aiin, Lai Cup a nihna lai hi a hlutna leh chhunzawmzel atan a itawm a nihna hi hriatfuh pawh a ngaiin a rinawm.
Kumtin a khelh hi he Cup chawinung reng tur hian a fuh angnge, kum 2 kum thum dan a khelh tih te pawh, he Lai Cup chawinunzel duhtute thinlung a inphumsa a ni a, engpawhnise, mipui lam hian hlut hle phawt ila a fuh ang.
Tags
Editorial