Youth Empowerment Summit Lawngtlai ah hman a ni.

Nimin khan  Deputy Commissioner, Lawngtlai leh District Child Potection Unit, Lawngtlai te tangkawpin an buatsaih, thalaite fuih a chawhphurna hun, YES (Youth Empowerment Summit) 2019 hman a ni a, Pi Rochuamgkimi Khenglawt, SDO (Sadar) in Khuallian niin a hmanpui.

         Summit hawnna hunah hian Khuallian chuan, tute pawh hian theihna bik kan nei a. Kan theihna leh mibik kan nihna hria in theihtawp kan chhuah angai a. Midangin an tih theih ang hi keini pawhin kan ti ve thei a ni tih hi rilru-ah vawng tlat ila, eng hna pawh thawkin eng dinhmunah pawh ding ila, "Ka ti thei a ni," tih rilru pu a kan beih chuan kan hlawhtling dawn a ni tiin zirlai leh thalai kalkhawm te hnenah fuihna thu a sawi.

         David A. Lalhmingchhuana, Asst. Residential Commissiiner, LADC pawhin naupangte fihna thu sawiin, naupangte chu mahni inrintawkna, taimakna leh Pathian tih a nun nei chung an zirlaite theihtawp chhuah a bei turin a chah a, Ruihtheihthil leh nulat tlangval sualna laka i thiarfihlim turin a chah bawk.

         
Nimina summit-ah hian summit thupui, "Yes, We Can (HIMNA - MADAT) Mizoram against drug abuse and tobacco" tih hmangin Lawngtlai district a mithiam leh anmahni tuina kawnga mihlawhtling ten an tawnhriat atangin hlawhtling tur leh dingchhuak tura zirlai leh thalaite hriat atana pawimawh hrang hrang te sawihona  an nei.