MJA ten Khawiva Hydel Project an tlawh

Nimin khan MJA Gen.Hqtrs.hruaitu te leh MJA Lunglei te chuan Mizorama Hydel project hmasaber dawttu Khawiva Mini Hydel Project an tlawh.

        Kum 1986 khan Hydro Electric Div.in Khawiva Mini Hydel Project hi an siam tan a. 350 kw unit awmin tun dinhmunah kumtin unit nuai 6 atanga nuai 7 inkar siam chhuak ang a ni.

He project hi tuai thar leh anih hnuah Deptt lamah mihring indaihlohna avangin M/s Amazon Engineering Vaivakawn hnenah kum 2010 khan hlan a ni a, anni hnen atang hian sorkar in cheng 1 leh pawisa 5 in unit khat a lei ve leh thin a. He project hian kum 1988 atangin vawiin thlengin maktaduai 26.33 unit a siam chhuak tawh a ni.

       Helai hmunah vek hian Khawiva 132 sub station kum 1988 khan thawh tan a ni a, power hi Zuangtui atanga Bukpui kaltlang a dawn niin Khawiva atang hian chhimlam District pathum, Lunglei,Lawngtlai leh Siaha te pek leh a ni.

        Helai hmunah vek hian 109 KW solar plant NEDP scheme hnuaiah kalpui a ni a, unit 12,000 bawr vel a siam chhuak tawh a. Helaiah hian thawktu an in daih lova, kalkawng a chhiain tui thianghlim in tur an tlachham rih hle ani.