LADC Sorkar buaina kalmek ah, Congress Legislature Party a Deputy Leader, Pu. C. Lalneihkhuma chuan, High Court ah CLP lam an chaklo a nih chuan ,CLP chhuahsantu, MDC uire te awmna United Legislature Party ten sorkarna an siam ai chuan, ram leh hnam a zahawm zawkna turin CLP chuan hma an laktur thu a sawi.
Lai District Congress Committee thuchhuah ah tarlan a nihdan in, Pu C,Lalneihkhuma chuan, ULP ten sorkar na an siam dawn ai chuan, CLP te hi kan in khengbet zawk mai ang a ti a, He thu hi nimin a Lai District Congress Committee in Pathian hnena inhlanna Devotion leh Political Session neihnaah a sawiin, Pu. C. Lalneihkhuma chuan Pu. T. Zakunga kaihhruai sorkar chuan, ram leh hnam zahawmna turin hma ala zel dawn a, MDC rinawmlo te telna United Legislature Party (ULP) ten LADC hi an hruai kan remti ngai dawnlo a . Mahni dan siam CCB Rules pawh high court a an khing duh ta mai hian, lalna leh thuneihna bak an lungkhamlo tih a hriat a, Chuvangin, ram leh hnam alo zahawm a, LADC ah MDC uire an awm tawhlohna turin, CLP te chuan mahni in khenbeh kan inhuam a ni a ti.
He hun ah hian Pu. J. Ropianga Chinzah President Lai DCC pawhin thusawiin, Nominated MDC te voting rights chungchanga Guwahati High Court, Aizawl bench in thu tlukna siam mahse, MDC te disqualify chungchang November thlaah ngaihtuah leh tur a ni a, tun dinhmun ah LADC a Congress Sorkar chu a nghing mai dawnlo a ni a ti.
Tags
News