National Highway-54 chu Lawngtlai-III ah lirthei kaltlang theihloh in a ping mek a, heihian harsatna pawh a thlen nasa viau tawh a, sorkar tan pawh hmanhmawh taka siamthat hna thawh a harna chin a awm ni tur ah ngai ila, National Highway meuh a pin tak ah chuan, a siam hna chu an thawk thuai in a rinawm.
Helai kawng siam a nihdan hi, a leilungin a zirloh vang nge ni anga, hnathawh thin te chu,nachhawkna ang deuh chauh niin, a chhe leh mai thin hian, ruahmanna tha zawk, daihrei a mamawh zia a tilangin a hriat a, heihi sorkar pawn a hmalakna tur a nih ngei pawh a rinawm a ni.
Hetiang a kawng a pin tak ah chuan, thuneituten lirthei tlandan tur an ruahman a, Motor lian te chu Multi Modal kawng lam ah tlanin, lirthei dang chu Hospital Road ah, Electric Veng paltlangin tlantir an ni a, helai kawng bik hi, khawpui chhung inkalpawhna kawng pakhat a ni a, lirthei ritphur ten an zawh nasat chuan, kawng hian zawhloh chin a neih hlauin, lirthei lian tlan pawh khap a ni zui hi a lawmawm khawp mai, khapna thupek bawhzui kawng ah chak leh fir tak a kalpui a ngaiin a rinawm a, awmze nei zawk a, lirthei lian tlan theih loh a gate siam mai pawh a finthlak maithei e, Sorkar pawhin khawtlang hruaitutute thawhpuiin, tanhona hnuai atangin khapna hian awmzia a neithui viauin a rinawm.
Tags
Editorial