Tunkar Thawhtanni Oct 21 chhun a Chhimtuipui a tla hlum Tv. Laldinsanga, Pu Hawthua fapa, Kum 20 mi, Kawrthindeng khua chu nimin zinglam dar 4 vel khan hmuh ani.
Laldinsanga leh a U leh a Putea te chu Thawhtanni khan chawhmeh zawngin Chhimtuipui ah hian an kal a, Mau pum a an chuang chu suar ah an chesual a, Laldinsanga tui ah hian tlain, a kalpuite hian an chhan hman lova, ruang hi zawng nghal niin, Lawngtlai DC Office atangin ruang zawnna atana hmanraw tangkai turte chu pek nghal an ni bawk.
Thawhlehni khan Darnamtlang, Ngengpuitlang, Tuidangchhuah, Lunghauka leh Hruaiteawl, Lungdar leh Bungtlang South khua a mitlawmngai thahnem tak ruang zawng hian an thawk chhuak a, Bungtlang South BDO Pu Daniel Sailo chuan ruang zawngtute mamawh tur a theih ang ang ngaihtuahin a hmun ah a thutchilh a, mitlawmngai, ruang zawngtute chuan ruang hi nimin zinglam dar 4 vel khan hmuin, nimin vek khan Kawrthindeng khua ah Vuilian nghal ani.
Tags
News