MNF Rising Day vawi 58-na Lawngtlai ah hman ani

  Nimin khan MNF Dist. Hqrs. Lawngtlai  chuan, MNF Rising Day Vawi 58-na chu Dist. Hqrs. Office ah an hmang

           

          He hun ah  hian, Pu VL Dawma, Adviser, MNF Dist. Hqrs. Lawngtlai chuan thusawiin, Mizo Hnam tan kum 58 kalta khan MNF Party alo din a, vawiin thlenga Sorkarna fawng MNF Party in a la chelh zel theite leh, Mizoram a Party bil a, Party nghet leh tlo, upaber nia malsawmna hriak Lalpan minla thih zel hi, alawmawm tak zet a ni a ti.

        

            A sawi zelnaah, tampui mitthi kar atangin MNF Party hi Lalpan min dinchhuak hi a hlu a,  kal zel tur anihzia alang chiang hle. Kum 58 min hruaitu hian, kum 58 min la hruai zel dawn a ni  a ti bawk.

           MNF Rising Day hmanna hi Pu Manghmunga Chinzah, President, MNF Dist. Hqrs. Lawngtlai in kaihruaiin, Pu Lalramliana Colney, Adviser, MNF Dist. Hqrs.in hunserh hmangin, party mi engemawzat ah hun ah hian an tel.

         

                MNF Rising Day hi Mizoram hmun hrang hrang ah hman niin, a hmanna puiber Aizawl ah chuan, MNF President, Chief Minister Pu Zoramthanga’n thu sawiin, Pathianin MNF a kaihhruai nasat dan chu a makin a lawmawm tak zet a, Pathianin Mizo hnam ‘movement’ a hruai dan mak leh ropui tak chu thang leh tharte pawh hrilh zel a pawimawh hle a ni, a ti.