1. Mahatma Gandhi piancham kum 150-na, October ni 2, 2019 alo thlen hian India ram tana a thawhlawkzia hria in a zirtirna te hi vawng renga chawinung zel tura intiam tharin zahna chibai i buk theuh ang u.
2. October ni 2, 1869 ah Gujarat-a khaw pakhat Porbandar khua ah a piang a, a pianna in hi “Kirti Mandir” ti a a hming phuah a ni.
3. Naupang zakzum leh inkiltawih tak, thiante nen infiam nikhua pawh a tel ngam ngailo, a zirlaibu bak lehkhabu dang chhiar ngai meuh lo a ni a, an zirtirtute leh aia upate zah thiam em em, entawn chinglo a ni.
4. Ukil hna thawkin kum 1893-1914 inkar khan South Africa ah a awm a, South Africa a India mite dikna leh chanvo hmuhalh kawngah hna tha takin a thawk.
5. Kumpinu laka India ramin zalenna a sual laiin Gopal Krishna Gokhale ngenna ngaipawimawhin India ramin a mamawhna chhangin kum 1915 January ni 9 khan a lo kir.
6. India ram kum hnih zet fangkuala ram mipuite dinhmun a zirchian hnu ah kum 1917 khan Bihar a Champaran khuaah Kumpinu Sawrkar laka nawrhna hmasa ber hlawhtling takin a huaihawt.
7. India mipuite mamawh chhanna a nih angin milian leh mite ber te zaikhata luan tirin India zalenna sual boruak chuai lam tawh chu a rawn tinung thar leh.
8. Tualchhung kutchhuak leh themthiamna chawisangin foreign thil aia mahni kutchhuak ngaihsan min zirtir a, hei hian tun thlengin a tha zawngin India ram mai nilovin khawvel pumpuiah nghawng a nei zui a ni.
9. Thudik tan tlatna leh rinawmna hi a ngaipawimawh em em a, tihsual palh atanga inzir a, mahni inthununna nen tisual nawn tawh lo tura ke pen min zirtir a.
10. Tharum tellova lungawilohna lantir leh thil diklo dolet hi a thupui ber a ni a, nun tlawm leh khawsak hautaklo taka a nung thin hian mi rilru a hneh thei hle a ni.
11. Chi leh chi, leh sakhaw intluktlanna hi kan dinchhuahna tur ani tih hria in theihtawp a chhuah thin a, Secularism hi India Danpui ban pawimawh ber zing a mi a ni ta hial a ni.
Issued by : Information & Public Relations Department
Tags
News