College Veng MUP ten Kum Upa te Ni an hmang

  Khawvel pumpui a Kum upa te Ni International Old Age Day chu nimin khan  Lawngtlai College Veng MUP pawhin intihhlimna leh  infuihtharna  atan an hmang.

          College Veng YLA Hall a he hun hmanpuitu, Pu L.Lawmkima, Executive Member. LADC, Social Welfare changtu chuan , tun hma a kum 60 tling tawhte chu upa ta viau a inngaihna a awm thin a, ram alo changkan ang zelin, tun huna kum 60 tling tawhte  chu la thalai tak tak, Pawl hrang hrangah pawh la inhmang tamtak kan la awm a, Ram hruaitute zingah pawh kum 60 chunglam thahnem tak, in fit tak tak an thahnem hle ani tiin, kum upa kan nih avang ringawt a tawmim mai lovin,kan hriatna leh kan finna te hi ramin a mamawh ani tih hria in, kan theih ang angin ram tan i thawk zel angu tiin kalkhawmte chu a sawm a. Kan Upatna hi kan hmangtangkai anih chuan Khawtlang leh Kohhran in nasa takin hma a sawn thei dawn ani ati bawk.

         

Thusawitu dang Pu H. Chhuanawma, Executive Member LADC pawhin kalkhawmte fuihna thu sawiin,MUP ten kan Motto' Mite tan Malsawmna ni ang che" tih vawng nungtute hian kum upa lam kan nih tawh avanga kan hlutna te, midangte zirtir thei tura tawnhriat ngah kan nih tawhna te hi hmang tangkai in, Khawhar in a kan lan tam ringawt pawh hi Khawhar chhungte tan a thlamuanthlak em em thin ani tiin, kalkhawm MUP Memberte chu tan la thar sauh sauh turin a fuih bawk.VC leh MHIP atangin thusawi ngaihthlak ani bawk a.